العرب اللّي من جنسية متشعتلة و بيتفلسفوا ععرب تانيين، و يقولولهم خلّيكم بحالكم و ببلادكم.. و بيقعدوا يقارنوا إنّه الخرة اللّي همّ فيه أحسن من خرة ناس تانية، و هاي المقارنة المفروض تلقائياً إنّه ما تعطي العرب من دولة معيّنة الحق إنهم يعطوا رأيهم بأي شأن خارج حدودهم السياسية.. الحدود اللّي الاستعمار كونّلهم ياها أساساً!
أوّلاً مش مسابقة هيّ على فكرة. و عادي جدّاً إنه العرب يهتموا بكل ما يحدث في كلّ بلادهم بشكل عام. ما إحنا مهتمين عشان كلنا بنفس الهم. و بعدين لو كنّا كلنا اهتمّينا ببلاد عرب وقعت حتّى لو مش بلادنا، كان ممكن نشيلهم و نساعدهم بدل ما نفرجي العالم إنّه زي ما عادي راحت فلسطين و العراق و محدّش حرّك ساكن، زي ما ممكن الباقي كلّه يولع. و هادا اللّي عم يصير. بيكفّي هبل "إنت سوري فما تتدخل بمصر"، لو سمحتوا، عشان قرفتونا. النّاس بأوروبا رايحين جايين من بلد لبلد و بيشتغلوا مع بعض و بيتعلّموا لغات بعض، و بيتعلّموا من جامعات بعض و انتوا نازلين تسبّوا عبعض عشان واحد جزائري قال شغلة ما عجبت واحد سوداني. الله يهدينا من التخلّف اللّي إحنا فيه يا إخوان.
